BAYRAQDAR MEDİA – Azərbaycan Milli Elmlər Akademiyasının (AMEA) Mərkəzi Elmi Kitabxanasının (MEK) tərtibatında AMEA-nın müxbir üzvü Vəli Hüseynovun biblioqrafik göstəricisi çapdan çıxıb.
Bu haqda xəbər BAYRAQDAR MEDİA-ya MEK-dən daxil olub.
Xəbərdə deyilir ki, “vəsait fizika-riyaziyyat elmləri doktoru, Prof. Əməkdar müəllim, AMEA-nın müxbir üzvü Vəli Hüseynovun 60 illik yubileyinin keçirilməsi haqqında AMEA Rəyasət Heyətinin qərarına əsasən tərtib olunub. Alimin həyatı, elmi-pedaqoji və ictimai fəaliyyətini əks etdirən biblioqrafik göstərici 1994-2004-cü illəri əhatə edir. Burada, həmçinin görkəmli elm və mədəniyyət xadimlərinin alim haqqında fikirləri yer alıb”.
Bildirək ki, nəşrin elmi redaktoru MEK-in direktoru, texnika elmləri doktoru Hüseyn Hüseynov, redaktoru Biblioqrafiya sektorunun müdiri Nərgiz Novruzova, tərtibçisi isə Biblioqrafiya şöbəsinin əməkdaşı Afət Məmmədovadır.
Biblioqrafik göstərici fizika-riyaziyyat sahəsində çalışan alim və mütəxəssislər, doktorantlar, ali məktəb tələbələri üçün dəyərli elmi mənbədir.
İlk şərhi yaza bilərsiniz