İran 1 ildə ən azı 900 nəfəri edam edib

Yazar: Aysel Həsrət. Tarix: 7 Yanvar 2025 22:38

BAYRAQDAR MEDİA – Yanvarın 7-də BMT-nin İnsan Haqları üzrə Ali Komissarı Volker Türk 2024-cü ildə İranda ən azı 901 nəfərin edam olunduğunu açıqlayıb.

Xəbəri “Azad İran” Telegram kanalı yayıb.

Bildirilib ki, dekabrda cəmi bir həftə ərzində İranda 40-a yaxın insan dar ağacından asılıb. Volker Türk deyib ki, “İranda edam hökmlərinin sayı ildən-ilə artır. İranın bu edam dalğasına son qoymasının vaxtı çatıb”.

BMT-nin məlumatına görə, ötən il İranda edamların əksəriyyəti narkotik cinayətləri və qətllərlə bağlı olub. Bununla belə, edam edilənlər arasında 2022-ci il xalq etirazları ilə əlaqəli vətəndaşlar da var. İran İslam Respublikası dünyada ölüm hökmlərinin sayına görə Çindən sonra ikinci yerdədir.

Bölmə: DÜNYA

Aysel Həsrət

BAYRAQDAR MEDİA-nın inzibatçı-müxbiri Aysel HƏSRƏT 09 oktyabr 2001-ci ildə Bakı şəhərində anadan olub. 2018-ci ildə Bakıdakı 204 saylı tam orta məktəbi bitirib, eyni ildə universitetə qəbul olunub. 4 illik bakalavr təhsilini başa vurduqdan sonra, 2022-2024-cü illərdə Türkiyənin Eskişehir Osmangazi Universitetində MBA ixtisası üzrə təhsil alıb. 2014-2024-cü illər aralığında Canlı Aləmin Mühafizəsi Alyansı, Azərbaycan Tələbə Gənclər Təşkilatları İttifaqı, Bakı Gənclər Mərkəzi, ASAN xidmət, COP 29-da həm könüllülük fəaliyyəti ilə məşğul olub, həm də praktika keçib. İngilis, rus və türk dillərini bilir. Müxtəlif beynəlxalq tədbirlərdə tərcüməçiliklə də məşğul olub.

Yazarın başqa yazıları: Aysel Həsrət

Bölmənin başqa yazıları: DÜNYADÜNYA bölməsinin başqa yazıları »