BAYRAQDAR MEDİA – Dekabrın 29-u, yerli vaxtla səhər saat 9.03-də (Bakı vaxtıyla saat 4.03) Güney Koreyaya aid bir təyyarə eniş zamanı qəza keçirib.
Koreya mediasının yaydığı xəbərlərdə deyilir ki, təyyarədə olan 175 sərnişin və 6 heyət üzvündən ikisi sağ çıxıb. Yerdə qalanların hamısı isə həlak olub.
İlkin ehtimallar və əldə olan görüntülərə görə, təyyarə enişə keçərkən sağ mühərrikə quş dəstəsinin çırpıldığı görülür.
Təyyarənin eniş görüntülərində onun eniş zolağına enə bildiyi, lakin son anda hava limanının divarına çırpıldığı, dərhal da alışdığı açıq şəkildə yer alır.
Bildirilir ki, Boeing 737-800 markalı təyyarə Tailandın paytaxtı Bangkokdan Güney Koreyanın Muan Beynəlxalq Hava Limanına enərkən sözügedən hadisə baş verib.
Uçuşu Güney Koreyanın Jeju Air şirkəti həyata keçirib. Təyyarədəkilər 5 günlük Milad gəzintisindən qayıdanlar olub…
BREAKING: Video shows crash of Jeju Air Flight 2216 in South Korea. 181 people on board pic.twitter.com/9rQUC0Yxt8
— BNO News (@BNONews) December 29, 2024
