Son yeniləmə: 28 Dekabr 2024 15:18
BAYRAQDAR MEDİA – 2024-cü ilin sonuncu, sayca 10-cu “KOB Fest” sərgi-satış yarmarkası Zəngilan rayonunun Ağalı kəndində keçirilib. Yarmarkada Zəngilan, eləcə də ətraf şəhər və rayonlardan olan 60-ayaxın KOB subyektinin qida və qeyri-qida məhsulları, sənətkarların və yaradıcı şəxslərin əl işləri təqdim edilib və satışı həyata keçirilib.
Bu barədə BAYRAQDAR MEDİA-ya KOBİA-dan məlumat verilib.
Qeyd edilib ki, 2024-cü il ərzində “KOBFest” sərgi-satış yarmarkaları Bakıda, Göygöldə, Şəkidə, Gəncədə, Masallıda, Naxçıvanda, Zaqatalada, Xaçmazda, Göyçayda və Zəngilanda təşkil edilib. Bu yarmarkalarda ümumilikdə 440-a yaxın KOB subyekti və yaradıcı şəxslərin məhsul və xidmətləri təqdim olunub. “KOB FEST” sərgi-satış yarmarkaları regionlarda fəaliyyət göstərən mikro və kiçik sahibkarların istehsal etdiyi məhsul və xidmətlərin tanıdılması, satışına dəstək olmaq məqsədilə keçirilib. Yarmarka KOB-ların satış imkanlarını genişləndirməklə yanaşı, sahibkarların yeni əməkdaşlıqlarqurması, satış bacarıqlarının inkişaf etdirilməsinə də öz töhfəsini verib.
İlk şərhi yaza bilərsiniz