BAYRAQDAR MEDİA – Dekabrın 27-də Suriya Milli Koalisiyası bəyanat yayaraq bildirib ki, İran işğtişaşlar yaratmaqda, məzhəblərlərarası qarşıdurmaları qızışdırmaqda və Suriyada hərbi cinayətlərdə məsuliyyət daşıyır.
Xəbəri “Azad İran” Telegram kanalı “Independent Farsi”yə istinadla yayımlayıb.
Bildirilib ki, Koalisiya Suriyanın yeni hökumətini dəstəkləyib və Əsəd rejiminə bağlı qüvvələrin son etirazlarının əsas səbəbinin İranın addımları olduğunu açıqlayıb.
“Beynəlxalq ictimaiyyət İranın Suriyaya müdaxiləsini dayandırmaq üçün hərəkətə keçməlidir. Suriya xalqı təhlükəsizliyi qorumaq, Əsəd rejimi və İran casusları tərəfindən sui-istifadələrin qarşısını almaq üçün əməkdaşlıq etməlidir. İnsanlığa qarşı cinayət törədənlərin mühakimə olunması Suriyanın əsas prioritetidir. Ölkənin yenidən qurulması üçün xalqın birliyi çox vacibdir”, – deyə bəyanatda vurğulanıb.
