BAYRAQDAR MEDİA – Türkiyənin Azərbaycandakı səfirliyinin nümayəndələri dekabrın 27-də saat 14.30-da Heydər Əliyev Beynəlxalq Aeroportunda olacaq.
Bu barədə BAYRAQDAR MEDİA-ya səfirlikdən məlumat verilib.
Bildirilib ki, qardaş ölkə səfirliyinin münayəndə heyəti Bakı-Qroznı reysini yerinə yetirən “Embraer 190” tipli sərnişin təyyarəsinin qəzaya uğraması nəticəsində həlak olan sərnişinlərin və ekipaj üzvlərinin xatirəsi ilə əlaqədar Heydər Əliyev Beynəlxalq Aeroportunda quraşdırılmış lövhəni ziyarət edəcək və xatirə kitabını imzalayacaq.
Xatırladaq ki, “Azərbaycan Hava Yolları”na məxsus təyyarənin Aktau yaxınlığında qəzaya uğramasından sonra elan edilən matəm tədbirləri çərçivəsində Azərbaycanın dərdinə şərik olaraq dekbarın 26-da Türkiyə səfirliyində və Azərbaycandakı Türk şəhidliklərində bayraqlar yarıya qədər endirilmişdi.
