Son yeniləmə: 27 Dekabr 2024 12:19
BAYRAQDAR MEDİA – Pamukkale Universiteti (PAU) 2024-cü il üzrə URAP (University Ranking by Academic Performance) reytinqində mühüm uğur əldə edib.
Bu barədə denizli24haber.com saytı məlumat yayıb.
Bildirilib ki, “Türkiyə üzrə 190 universitetin qiymətləndirildiyi reytinqdə PAU 55-ci yerdə qərarlaşıb. Universitetin akademik göstəriciləri və tədqiqat nəticələri bu reytinqə nail olmaqda mühüm rol oynamışdır. URAP reytinqində yalnız dövlət universitetlərinin qiymətləndirildiyi siyahını da nəzərə alsaq, Pamukkale Universiteti 124 dövlət universiteti arasında 45-ci yerdə qərarlaşıb”.
Məlumata görə, bu uğur universitetin dövlət universitetləri arasında rəqabətədavamlı mövqedə olduğunu göstərir: “Həmçinin tibb fakültəsi olan universitetlər arasında Pamukkale Universiteti də qiymətləndirilib. Bu kateqoriyada 43-cü yeri tutan PAU sağlamlıq elmləri sahəsindəki tədqiqatlarında uğurları ilə seçilib. PAU 2000-ci ildən əvvəl yaradılmış 71 universitet arasında 40-cı yeri tutub. Bu sıralama PAU-nun köklü bir tarixə malik universitetlər arasında durmadan yüksəldiyini ortaya qoyub. URAP reytinqləri universitetlərin məqalələrinin sayı, istinadların sayı, elmi sənədlərin sayı, beynəlxalq əməkdaşlıq səviyyəsi kimi meyarlar əsasında müəyyən edilir. Pamukkale Universiteti bu kriteriyalara uyğun güclü performans göstərərək reytinqdə yer alıb”.
İlk şərhi yaza bilərsiniz