BAYRAQDAR MEDİA – Türkiyənin ən böyük mədəniyyət festivalı olan Türkiyə Kültür Yolu Festivalının 2025-ci il təqvimi açıqlanıb.
Bu barədə Türkiyənin mədəniyyət və turizm naziri Mehmet Nuri Ersoy özünün X sosial şəbəkə hesabından məlumat yayıb.
Nazir bildirib ki, “Gələn il 20 fərqli şəhərdə keçiriləcək festival bir çox tədbirə ev sahibliyi edəcək. 2025-ci ildə festival Adana, Mardin, Manisa, Şanlıurfa, Samsun, Bursa, Trabzon, Van, Nevşehir, Erzurum, Çanaqqala, Kayseri, Qaziantep, Ankara, Konya, İstanbul, Malatya, Diyarbəkir, İzmir və Antalya şəhərlərində keçiriləcək”.
Nazir qeyd edib ki, əvvəlki illərdə marşruta daxil edilməyən Malatya, Manisa, Mardin və Kayseri şəhərləri də 2025-ci il təqviminə əlavə edilib.
