Press "Enter" to skip to content

Suriyadan Azərbaycana başsağlığı

Yazar: Nadir Azəri - Əməkdar jurnalist. Tarix: 26 Dekabr 2024 09:14

Dr.Muhtar Fatih Beydili

Dr.Muhtar Fatih Beydili

Son yeniləmə: 26 Dekabr 2024 09:02

Dr.Muhtar Fatih Beydili: Hələb türkmənləri olaraq Can Ata Vətənimiz Azərbaycanın dərdinə şərikik

BAYRAQDAR MEDİA – “Hələb türkmənləri olaraq Can Ata Vətənimiz Azərbaycanın dərdinə şərikik”.

Bunu BAYRAQDAR MEDİA-ya Suriya Türkmen Doktorlar Birliyinin başqanı Dr.Muhtar Fatih Beydili deyib.

Saytımızla əlaqə saxlayan Dr.Muhtar Fatih Beydili dekabrın 25-də baş verən təyyarə qəzasının Suriya türkmənlərinin də dərin kədərinə səbəb olduğunu deyib: “Qardaş ölkəmiz Azərbaycana məxsus təyyarənin qəzaya uğraması hamımızın ürəyini dərindən yaraladı. Can Ata Vətənimiz Azərbaycana dərin hüznlə başsağlığı verirəm. Allahdan həyatını itirənlərə rəhmət, ailələrinə və yaxınlarına səbr diləyirik”.

Dr.Muhtar Fatih Beydili, həmçinin “Bu ağrılı hadisə təkcə Azərbaycanın deyil, biz Hələb türkmənlərinin və bütün türk dünyasının ortaq kədəridir. Ana Vətən Türkiyə ilə can Ata Vətən Azərbaycan hər zaman “bir millət, iki dövlət” anlayışı ilə bir-birinin yanında olub, sevincini, acısını birgə paylaşıb. Bu ağır günlərdə ürəyimiz Azərbaycan xalqı ilə döyünür. Allah bizə bir daha belə ağrı yaşatmasın”.

Əlaqəli

Bölmə: TÜRK DÜNYASI

Nadir Azəri - Əməkdar jurnalist

BAYRAQDAR MEDİA-nın baş redaktorunun müavini, Azərbaycan Respublikasının Əməkdar jurnalisti (2013) Nadir AZƏRİ (İsmayilov Nadir Nəbi oğlu) 26 fevral 1973-cü ildə Yevlax rayonu, 2-ci Salamabad kəndində anadan olub. Bakı Sosial İdarəetmə və Politologiya İnstitutunun məzunudur. 1992-ci ildən etibarən dövri mətbuatda ilk yazıları Yevlaxın o zamankı “Təşəbbüs” (indiki “Kür”) qəzetində dərc edilib. 1995-ci ildə Gənclər və İdman Nazirliyinin mətbu orqanı olan “P.S. Gənclik” qəzetinin zona müxbiri kimi fəaliyyət göstərib. 1995-1997-ci illərdə “İki sahil”, “Panorama” və digər qəzetlərdə yazıları dərc olunub. 1997-1998-ci illərdə “Bu gün” qəzetində müxbir, baş redaktorun birinci müavini vəzifələrində çalışıb. Daha sonra “Yeni Müsavat”, “Üç nöqtə”, “Press Fakt”, “Mərkəz” və “Xəzər” qəzetlərində müxtəlif vəzifələrdə çalışıb. 2009-ci ildən 2021-ci il oktyabrın 11-dək “Yeni Azərbaycan” qəzetində şöbə redaktoru vəzifəsində çalışıb. Hazırda həm də Orta Asiya və Güney Qafqaz Söz Azadlığı Şəbəkəsi (CASCFEN) İB-in sədridir. nadir@bayraqdar.info

Yazarın başqa yazıları: Nadir Azəri - Əməkdar jurnalist

Bölmənin başqa yazıları: TÜRK DÜNYASITÜRK DÜNYASI bölməsinin başqa yazıları »

İlk şərhi yaza bilərsiniz

Lütfən, buyurub bir şərh yaza bilərsiniz Cavabı ləğv et