Qardaş ölkələrdən mənəvi dəstək

Son yeniləmə: 26 Dekabr 2024 17:39

BAYRAQDAR MEDİA – Azərbaycanın dərdinə şərik olaraq Türkiyə səfirliyində və Azərbaycandakı Türk şəhidliklərində bayraqlar yarıya qədər endirilib.

Qeyd olunub ki, ““Azərbaycan Hava Yolları”na məxsus təyyarənin Aktau yaxınlığında qəzaya uğramasından sonra elan edilən matəm tədbirləri çərçivəsində səfirliyimizdə və Azərbaycandakı şəhidliklərimizdəki bayraqlarımızı yarıya qədər endirdik. Dəhşətli qəza nəticəsində həyatını itirmiş qardaş və bacılarımızın xatirəsini bir daha anır, ailələrinə başsağlığı verir, dost Azərbaycan xalqının dərin kədərini bölüşürük. Başımız sağ olsun!”.

Bildirək ki, Qazaxıstanın Azərbaycandakı səfirliyində də bayraqlar yarıyadək endirilib. Bu, qardaş ölkələrin xoş gündə olduğu kimi kədərli gündə də Azərbaycanın yanında olduğunu bir daha sübut edir.