Orta məktəbdə Milli Mədəniyyət Festivalı

Son yeniləmə: 26 Dekabr 2024 09:11

BAYRAQDAR MEDİA – Qars Kümbetli orta məktəbində Milli Mədəniyyət Festivalı keçirilib.

Bu barədə karsmanset.com saytı məlumat yayıb.

Bildirilib ki, “Qars İl Milli Təhsil Müdiri Nevzat Kaya Kümbetli Orta Məktəbini ziyarət edib. O, səfər zamanı məktəbdə türk dili kursu çərçivəsində keçirilən “Milli Kültür Şənliyi” tədbirində iştirak edib. Şagirdlərin milli mədəniyyət mövzusunda hazırladıqları festivalda ənənəvi xalq rəqsləri, mədəni təqdimatlar, şeirlər söylənilib, əl işləri sərgisi təşkil olunub. Tədbir həm müəllimlərin, həm də tələbələrin böyük fədakarlıqla çalışdıqları proqram kimi diqqəti cəlb edib”.

Çıxış edən Nevzat Kaya, “Milli mədəniyyətimizi yaşatmaq, gələcək nəsillərə ötürmək bizim borcumuzdur. Bu gün burada olan şagirdlərin bu məsuliyyəti ürəkdən qəbul etdiklərini görmək məni çox sevindirir. Ümid edirəm ki, belə tədbirlər davam edəcək”deyib.