BAYRAQDAR MEDİA – Azərbaycan Milli Elmlər Akademiyasının (AMEA) Mərkəzi Elmi Kitabxanasının (MEK) tərtibatında “Şöhrət” və “Şərəf” ordenli akademik Asəf Nadirovun biblioqrafik göstəricisi çapdan çıxıb.
Bu haqda xəbər BAYRAQDAR MEDİA-ya MEK-dən daxil olub.
Xəbərdə bildirilir ki, “Rəyasət Heyətinin 22 yanvar 2024-cü il tarixli qərarı ilə alimin 95 illik yubileyi münasibəti ilə “Azərbaycanın elm və mədəniyyət xadimləri” seriyası altında işıq üzü görən A.Nadirovun biblioqrafiyasına 1956-2024-cü illərdə çap olunmuş 732 adda mənbə daxil edilib. Kitabın əvvəlində akademikin həyat və fəaliyyətinin əsas tarixləri, alim haqqında qısa oçerk və onu tanıyanların xatirələri öz əksini tapıb. Vəsaitin elmi redaktoru MEK-in direktoru, texnika elmləri doktoru Hüseyn Hüseynov, tərtibçisi Biblioqrafiya şöbəsinin əməkdaşları Rəna Cavadova, redaktoru isə Nərgiz Novruzovadır”.
Biblioqrafik göstərici iqtisadiyyat sahəsində çalışan alim və mütəxəssislər, tələbələr, habelə geniş oxucu kütləsi üçün dəyərli elmi mənbədir.
İlk şərhi yaza bilərsiniz