BAYRAQDAR MEDİA – “Etemad Online” İranda turizmlə bağlı vəziyyətin kritik olmasına toxunaraq yazıb ki, son 9 ay ərzində 16 ölkə öz vətəndaşlarına İrana səfər etməkdən çəkinməyi və bu ölkədən çıxmağı tövsiyə edib.
Xəbəri “Azad İran” Telegram kanalı yayımlayıb.
Məlumata görə, İranda 5 min turizm agentliyinin yarısının bağlanması xaricilərin ölkəyə gəlişinin sıfıra enməsi və son 5 ildə turizm sənayesinin kəskin uğursuzluğunun nəticəsidir. Bir çox xarici ölkə vətəndaşı casusluq bəhanəsilə İranda həbs ediləcəyindən qorxduğu üçün bu ölkəyə səfərdən çəkinir, eyni zamanda geyim tərzinə görə zorakılıq görəcəyindən narahatdır.
