BAYRAQDAR MEDİA – Quzey Makedoniya Prezidenti Qordana Siljanovska-Davkova Türk Əməkdaşlıq Koordinasiya Agentliyinin (TİKA) vitse-prezidenti Dr. Mahmut Çeviki qəbul edib.
Bu barədə Kırım Haber Ajansı məlumat yayıb.
Məlumata görə, qəbul zamanı TİKA-nın Quzey Makedoniyadakı fəaliyyəti gündəmə gətirilib: “Prezident Silyanovska-Davkova TİKA-nın sədr müavini Mahmud Çevikin keçmişdən bu günə verdiyi dəstək və həyata keçirilən layihələr çərçivəsində göstərdiyi səyləri yüksək qiymətləndirdiyini vurğulayaraq, ona təşəkkürünü bildirib. Prezident Silyanovska-Davkova Türkiyənin Quzey Makedoniyanın müstəqilliyini ilk gündən dəstəklədiyini bildirib”.
Digər tərəfdən görüşdə TİKA-nın qarşıdakı dövrdə ölkədə həyata keçirməyi planlaşdırdığı layihələr də müzakirə edilib.
