Güney Azərbaycanlı fəal məhkəməyə çağırıldı

Yazar: Aysel Həsrət. Tarix: 18 Dekabr 2024 10:11

Behzad Xudabəndəli

BAYRAQDAR MEDİA – Dekabrın 17-də Güney Azərbaycanlı fəal Behzad Xudabəndəli İranın Ədliyyə-Məhkəmə Sistemi tərəfindən bildirişlə Qoşaçay (Miandab) İnqilab Prokurorluğunun cinayət hökmlərinin icrası üzrə ikinci bölməsinə çağırılıb.

Xəbəri “Azad İran” Telegram kanalı “Təbriz Səsi”nə istinadla yayımlayıb.

Xəbərə əsasən, milli fəala göndərilən bildirişdə yazılıb: “Məhkəmə işinizlə bağlı, cəriməni ödəmək üçün 10 gün ərzində bölməyə gəlməyiniz tələb olunur. Eyni zamanda, vaxtında gəlsəniz, mümkün 20 faiz endirim əldə edəcəksiniz”.

Qeyd edək ki, B.Xudabəndəli iyunun 26-da “dövlət quruluşuna qarşı təbliğat aparmaq”, “sosial şəbəkələrdə yalan məlumatlar paylaşmaq” və “ictimai düşüncəni çaşdırmaq” ittihamları ilə məhkəmə qarşısına çıxarılıb.

Əlaqəli

Bölmə: XƏBƏRLƏR

Aysel Həsrət

BAYRAQDAR MEDİA-nın inzibatçı-müxbiri Aysel HƏSRƏT 09 oktyabr 2001-ci ildə Bakı şəhərində anadan olub. 2018-ci ildə Bakıdakı 204 saylı tam orta məktəbi bitirib, eyni ildə universitetə qəbul olunub. 4 illik bakalavr təhsilini başa vurduqdan sonra, 2022-2024-cü illərdə Türkiyənin Eskişehir Osmangazi Universitetində MBA ixtisası üzrə təhsil alıb. 2014-2024-cü illər aralığında Canlı Aləmin Mühafizəsi Alyansı, Azərbaycan Tələbə Gənclər Təşkilatları İttifaqı, Bakı Gənclər Mərkəzi, ASAN xidmət, COP 29-da həm könüllülük fəaliyyəti ilə məşğul olub, həm də praktika keçib. İngilis, rus və türk dillərini bilir. Müxtəlif beynəlxalq tədbirlərdə tərcüməçiliklə də məşğul olub.

Yazarın başqa yazıları: Aysel Həsrət

Bölmənin başqa yazıları: XƏBƏRLƏRXƏBƏRLƏR bölməsinin başqa yazıları »