BAYRAQDAR MEDİA – Milli Məclisin deputatı Azər Allahverənov Zabrat qəsəbəsi inzibati ərazi dairəsi üzrə nümayəndəliyinin inzibati binasında qəsəbədə yaşayan vətəndaşların qəbulunu keçirib.
BAYRAQDAR MEDİA-ya verilən məlumata görə, qəbulda iştirak edən zabratlılar sosial rifahının yaxşılaşdırılması, bəzi məhəllələrdə küçələrin asfaltlanması, məşğulluq imkanlarının artırılması və digər məsələlərlə bağlı müraciətlərini ediblər: “Qaldırılan məsələlər aidiyyəti üzrə baxılması üçün müvafiq qaydada qeydə alınıb. Qəbulda iştirak edən vətəndaşların diqqətinə çatdırılıb ki, hər bir məsələyə ayrı-ayrılıqda baxılacaq və onların həll olunması istiqamətində zəruri addımlar atılacaq, aidiyyəti üzrə dövlət qurumlarına müraciətlər göndəriləcəkdir”.
Qeyd edilib ki, müvafiq qurumlara ediləcək bütün müraciətlər barədə vətəndaşlar aidiyyəti üzrə məlumatlandırılacaqlar.
