Son yeniləmə: 13 Dekabr 2024 14:13
BAYRAQDAR MEDİA – Dekabrın 17-si saat 16:00-da Şəhriyar adına Mədəniyyət Mərkəzində “Söz” tamaşasının premyerası keçiriləcək.
Tamaşanın quruluşçu rejissoru gənc yazar Aysu Türkel BAYRAQDAR MEDİA-ya səhnə əsəri haqqında məlumat verib: “Söz” adlı ədəbi-bədii, musiqili kompozisiyamız Vətən müharibəsi qəhrəmanlarına həsr olunub və bəstəkar-yazar Fərahim Sadiqin layihə rəhbərliyi əsasında ərsəyə gəlib. Mən Aysu Türkel və Fərahim müəllimin birlikdə hazırladığımız bir layihədir. Bildirim ki, tamaşada peşəkar aktyorlarımız yer alır. Eləcə də köməkçi obrazlar sırasında başqa universitetlərdə təhsil almaqlarına baxmayaraq incəsənətlə yaxından maraqlanan çox bacarıqlı könüllülərimiz də var. Hər kəsi tamaşanı izləməyə dəvət edirəm”.
Qeyd edək ki, tamaşada rolları Əməkdar artist Qasım Nağı, Xalidə Əliməmmədova, Pərviz Qurbanlı, Şövqi Əmiraslanov, A.Türkel, Təhminə Qarayeva, Allahverdi Qurbanov, Elcan Məmmədov, Tofiq Əhmədli, Pərviz Rzayev, İlkin Rafiqoğlu, Əlibala Qasımov canlandırır.
İlk şərhi yaza bilərsiniz