Son yeniləmə: 14 Dekabr 2024 16:27
BAYRADAR MEDİA – 16 dekabr saat 19:00-da Fikrət Əmirov adına Gəncə Dövlət Filarmoniyasında Azərbaycan Dövlət Akademik Musiqili Teatrının “Qadınım” tamaşası nümayiş olunacaq.
Bu haqda xəbər BAYRAQDAR MEDİA-ya Musiqili Teatrın mətbuat xidmətindən daxil olub.
Xəbərdə bildirilir ki, “Türk dünyasının tanınmış yazıçı-dramaturqu Tuncər Çücənoğlunun “Matryoşka” pyesi əsasında hazırlanan bu tamaşanın quruluşçu rejissoru İradə Gözəlovadır. Səhnə əsərinin süjet xəttində sevgi və ehtiras dolu iki aşiqdən bəhs olunur. Türk retro musiqilərinin səsləndirildiyi “Qadınım”da Əməkdar artist Nigar Şahmuradova, gənc aktyorlar Əmrah Dadaşov və Gültac Əlili, həmçinin teatrın xor artistləri iştirak edəcək”.
Qeyd edək ki, tamaşanın quruluşçu rəssamı Vüsal Rəhim, xormeysteri Məlahət Qasımova, musiqi tərtibatçısı Ə.Dadaşovdur.
İlk şərhi yaza bilərsiniz