Son yeniləmə: 10 Dekabr 2024 12:38
Bakıda Paxlava və Şirniyyat Festivalı keçiriləcək
BAYRAQDAR MEDİA – Bakıda “Paxlava və Şirniyyat Festivalı” keçiriləcək. Festivalda 10 mindən çox paxlava hədiyyə olunacaq.
Bu barədə BAYRAQDAR MEDİA-ya tədbirin təşkilatçılarından məlumat verilib.
Məlumata görə, “13-cü Ənənəvi Qızıl Oxlova Paxlava Ustaları Müsabiqəsi və Şirniyyat Festivalı” bu il Azərbaycanın paytaxtı Bakıda keçiriləcək. Festival 15 dekabrda Bakı İdman sarayında Türkiyənin Paxlava və Şirniyyat İstehsalçıları Assosiasiyasının (BAKTAD) və Rəmzioğlu paxlavanın təşkilatçılığı ilə keçiriləcək. Məlumatda qeyd edilir ki, festival çərçivəsində Türkiyə və Azərbaycan paxlava istehsalçıları arasında əməkdaşlığın inkişaf etdirilməsi, iki ölkənin paxlava və şirniyyatların xarici ölkələrdə birgə tanıdılması kimi məsələlər hədəflənir: “BAKTAD 2001-ci ildə türk paxlavasını dünyaya tanıtmaq məqsədilə yaradılmışdır. Rəmzioğlu 2005-ci ildən premium məhsulları ilə paxlava və şirniyyat sektorunda fəaliyyət göstərir”.
İlk şərhi yaza bilərsiniz