Press "Enter" to skip to content

Manisada Azərbaycan şöləni olacaq

Yazar: Nadir Azəri - Əməkdar jurnalist. Tarix: 9 Dekabr 2024 11:12

Şentürk Hoşgül

Şentürk Hoşgül

Manisa Azərbaycan Kültür və Həmrəylik Dərnəyindən Həmrəylik Günü dəvəti

BAYRAQDAR MEDİA – Manisa Azərbaycan Kültür və Həmrəylik Dərnəyi İdarə Heyətinin sədri Şentürk Hoşgül bütün ictimaiyyəti bu il 4-cü dəfə keçiriləcək Dünya Azərbaycanlılarının Həmrəylik Günü tədbirinə dəvət edib.

Bu barədə BAYRAQDAR MEDİA-ya Dərnəkdən məlumat verilib.

Məlumata görə, Şentürk Hoşgül, Manisa Böyükşəhər Bələdiyyəsi ilə birgə Manisa Mədəniyyət Mərkəzi Lale Salonunda keçirilməsi planlaşdırılan proqramda İstanbuldan “Azərbaycan rüzgarı” adlı qrupun və bakılı məşhur tar artisti Mehbub Şüküroğlunun iştirak edəcəyini bildirib: “Ş.Hoşgül tədbirin məqsədinin Manisada yaşayan Azərbaycan türklərinin mədəniyyətini yaşatmaq və onların şəhər mədəniyyətinə inteqrasiyasını təmin etmək olduğunu vurğulayıb. O, gecədə Zeybək tamaşasını təqdim etmək istədiklərini də bildirib”.

Məlumata görə, Ş.Hoşgül dekabrın 29-da bütün şəhər əhalisini Manisa Mədəniyyət Mərkəzinə dəvət edib.

Əlaqəli

Bölmə: TÜRK DÜNYASI

Nadir Azəri - Əməkdar jurnalist

BAYRAQDAR MEDİA-nın baş redaktorunun müavini, Azərbaycan Respublikasının Əməkdar jurnalisti (2013) Nadir AZƏRİ (İsmayilov Nadir Nəbi oğlu) 26 fevral 1973-cü ildə Yevlax rayonu, 2-ci Salamabad kəndində anadan olub. Bakı Sosial İdarəetmə və Politologiya İnstitutunun məzunudur. 1992-ci ildən etibarən dövri mətbuatda ilk yazıları Yevlaxın o zamankı “Təşəbbüs” (indiki “Kür”) qəzetində dərc edilib. 1995-ci ildə Gənclər və İdman Nazirliyinin mətbu orqanı olan “P.S. Gənclik” qəzetinin zona müxbiri kimi fəaliyyət göstərib. 1995-1997-ci illərdə “İki sahil”, “Panorama” və digər qəzetlərdə yazıları dərc olunub. 1997-1998-ci illərdə “Bu gün” qəzetində müxbir, baş redaktorun birinci müavini vəzifələrində çalışıb. Daha sonra “Yeni Müsavat”, “Üç nöqtə”, “Press Fakt”, “Mərkəz” və “Xəzər” qəzetlərində müxtəlif vəzifələrdə çalışıb. 2009-ci ildən 2021-ci il oktyabrın 11-dək “Yeni Azərbaycan” qəzetində şöbə redaktoru vəzifəsində çalışıb. Hazırda həm də Orta Asiya və Güney Qafqaz Söz Azadlığı Şəbəkəsi (CASCFEN) İB-in sədridir. nadir@bayraqdar.info

Yazarın başqa yazıları: Nadir Azəri - Əməkdar jurnalist

Bölmənin başqa yazıları: TÜRK DÜNYASITÜRK DÜNYASI bölməsinin başqa yazıları »

İlk şərhi yaza bilərsiniz

Lütfən, buyurub bir şərh yaza bilərsiniz Cavabı ləğv et