BAYRAQDAR MEDİA – Azərbaycan Milli Elmlər Akademiyasının (AMEA) Mərkəzi Elmi Kitabxanasındakı (MEK) nəşrlər sırasında yazıçı, alim, biologiya üzrə fəlsəfə doktoru Sadıq Qarayevin müəllifi olduğu “Azərbaycançılıq məfkurəsi” kitabı da yer alır.
Nəşrin girişində deyilir: “Azərbaycançılıq müqəddəs, çətin, şərəfli yoldur, yolçuları ləpir-ləpir gəlirlər. Kitab bu ləpirləri salan şəhidlərin, milli dəyərlər yaradan dahilərin, fikir-ideya sahiblərinin, dövlətçilik quran, qoruyan azərbaycanlıların xatirəsinə və şərəfinə ithaf olunur”.
Nəşr “Hekayə və esselər”, “Azərbaycançılıq məfkurəsi”, “Elmi-fəlsəfi-bədii düşüncələr”, “İctimai-fəlsəfi-bədii düşüncələr”, “Sadə fikirlər”, “Ömür lövhələri” adlı altı fəsildən ibarətdir.
Qeyd edək ki, geniş oxucu kütləsi üçün nəzərdə tutulmuş və 2024-cü ildə çap edilmiş kitabın redaktoru Sima Cəfərova, korrektoru Esmira Fərəcovadır. Nəşrin dizaynı isə 10-cu sinif şagirdləri Nəzrin Qarayeva, Əli Qarayev, Məmizadə Fatimə və Şabanova Rəyyana məxsusdur.
İlk şərhi yaza bilərsiniz