BAYRAQDAR MEDİA – Dekabrın 8-i saat 16:00-da Bakı Gənclər Mərkəzində “Heyo Media Group”un ərsəyə gətirdiyi ”Boni” filminin təqdimatı keçirilib.
Bu haqda xəbər BAYRAQDAR MEDİA-ya Azərbaycan Dövlət Milli Gənc Tamaşaçılar Teatrının mətbuat xidmətindən daxil olub.
Xəbərdə deyilir ki, “film uşaqlara, tamaşaçılara xeyirxahlıq, birlik, mehribanlıq kimi insani dəyərlər aşılayır. Qeyd edək ki, filmdə Xalq artisti Yasin Qarayev, Xalq artisti Nübar Novruzova, Əməkdar artist İlham Əsədov, Əməkdar artist Elnur Hüseynov, tanınmış aktyorlar Zemfira Əbdülsəməd, Ədalət Əbdülsəməd, Elşən Şıxəliyev, Gülər Ləzgiyeva, Anar Seyfullayev, Ramil Məmmədov, eləcə də Bakı məktəbliləri, bağça uşaqları iştirak edirlər”.
Filmin layihə rəhbəri və quruluşçu rejissoru Heydər Vüqaroğlu, rejissoru Elnur Hüseynov, ssenari müəllifi Mehriban Qaziyeva, Elnur Hüseynov, baş prodüseri isə Elnarə Rəcəblidir.
İlk şərhi yaza bilərsiniz