Baş redaktor “peyğəmbəri təhqir etdiyinə görə” həbs edildi

Yazar: Aysel Həsrət. Tarix: 9 Dekabr 2024 17:39

Son yeniləmə: 9 Dekabr 2024 17:48

BAYRAQDAR MEDİA – Dekabrın 9-da “Həmmihən” qəzetinin baş redaktoru Qulamhüseyn Kərbasçi məhkəmə tərəfindən siyasi və mətbuat cinayətlərində təqsirləndirilib. Bu barədə İranda İnsan Haqları Müdafiəçiləri Qrupu – HRANA xəbər verir.

Xəbəri “Azad İran” Telegram kanalı yayıb.

Xəbərdə deyilir ki, “məlumata görə, qəzetin baş redaktoru Həzrət Əyyubun karikaturasını dərc etdiyi üçün “peyğəmbəri təhqir və onu alçaltmaq”da ittiham edilib. Qeyd olunub ki, “Həmmihən” qəzeti ölkədə sosial şəbəkələrə tətbiq edilən məhdudiyyətlərin aradan qaldırılması üçün hökumət sözçüsü Fatimə Mühaciraninin “problemlərin həlli üçün səbir lazımdır” deməsindən sonra paylaşıb”.

Əlaqəli

Bölmə: XƏBƏRLƏR

Aysel Həsrət

BAYRAQDAR MEDİA-nın inzibatçı-müxbiri Aysel HƏSRƏT 09 oktyabr 2001-ci ildə Bakı şəhərində anadan olub. 2018-ci ildə Bakıdakı 204 saylı tam orta məktəbi bitirib, eyni ildə universitetə qəbul olunub. 4 illik bakalavr təhsilini başa vurduqdan sonra, 2022-2024-cü illərdə Türkiyənin Eskişehir Osmangazi Universitetində MBA ixtisası üzrə təhsil alıb. 2014-2024-cü illər aralığında Canlı Aləmin Mühafizəsi Alyansı, Azərbaycan Tələbə Gənclər Təşkilatları İttifaqı, Bakı Gənclər Mərkəzi, ASAN xidmət, COP 29-da həm könüllülük fəaliyyəti ilə məşğul olub, həm də praktika keçib. İngilis, rus və türk dillərini bilir. Müxtəlif beynəlxalq tədbirlərdə tərcüməçiliklə də məşğul olub.

Yazarın başqa yazıları: Aysel Həsrət

Bölmənin başqa yazıları: XƏBƏRLƏRXƏBƏRLƏR bölməsinin başqa yazıları »