Konyadan cəmi 1,5 saatlıq məsafədə yerləşən Nadire Kanyonu təbiətsevərlərə unudulmaz kəşf təcrübəsi təqdim edir
BAYRAQDAR MEDİA – Türkiyənin güneyində yerləşən Karamanın Ermenek mahalı təbii gözəllikləri ilə hər il bir çox təbiətsevərləri özünə cəlb edir.
Bu barədə merhabahaber.com saytı məlumat yayıb.
Bildirilib ki, “Ermenek çayı üzərində yerləşən Nadire Kanyonu bu bölgənin ən heyrətamiz təbiət möcüzələrindən biri kimi seçilir. Toros dağlarının ətəklərində və Ermenek bənd gölünün sakit sularında uzanan 9 kilometrlik kanyon təkcə yerli əhalinin deyil, ətraf əyalətlərdən gələn qonaqların da kəşf marşrutuna çevrilib. Kanyonun füsunkar atmosferi hündür sıldırım qayalarla əhatə olunub və təbiətsevərlərə bu qayaların bəzən 250 metr hündürlüyə çatdığı unudulmaz mənzərə təqdim edir”.
Məlumata əsasən, Ermenekin Ambar dərəsindən başlayaraq Nadire körpüsünə qədər uzanan bu bənzərsiz təbiət gözəlliyi həm piyadalar, həm də qayıqla səyahət etmək istəyənlər üçün ideal marşrut təklif edir: “Bu təbiət möcüzəsini kəşf etməyin ən təsirli yollarından biri kimi kanyon boyu qayıq turlarına üstünlük verilir. Nadire Kanyonunun suyu şəffaflığı ilə diqqət çəkir. Kanyonda gəzənlər suyun rənginin dəyişməsi ilə ətrafdakı təbiətin möhtəşəm gözəlliyini daha yaxından hiss edirlər. Qayaların əks olunması bu təbii ərazini rəsm kimi üzə çıxarır”.
Məlumatda, həmçinin “Konyadan cəmi 1,5 saatlıq məsafədə yerləşən bu bənzərsiz yer təbii gözəlliklərin arxasınca getmək istəyənlərin kəşf etməli olduğu marşrutlar sırasındadır. Buğa dağlarının qoynunda yerləşən Nadire Kanyonu hər il təbiətsevərlərə fərqli bir gözəllik təqdim edir və bölgəyə gələn hər kəsi valeh etməyə davam edir. Bu kanyon təbiətin səssizliyində itib onu nəinki görmək, həm də hiss etmək istəyənlərə unudulmaz səyahət vəd edir”deyə vurğulanır.
