BAYRAQDAR MEDİA – Litva daxili işlər naziri Agne Bilotayte 2025-ci il yanvarın 1-dən ölkədə rus dilində sürücülük imtahanı verilməsini yasaqlayıb.
Bununla bağlı nazirin əmrini Litva mediası yayıb.
Bildirilir ki, rus dilində imtahanın yasaqlanması təcavüzkar ölkənin (söhbət, əlbəttə Rusiyadan gedir – red.) təsirini azaltmaq məqsədi güdür.
Bildirilir ki, bundan sonra Litvada sürücülük imtahanı dövlət dilində və ya Litvanın üzvü olduğu Avropa Birliyinin rəsmi dillərindən birində verilə bilər. Yalnız Ukraynalı sığınmaçılar üçün istisna olacaq.
Bu arada o da qeyd edilir ki, Litva dilini, həmçinin AB-nin rəsmi dillərindən birini bilməyənlər imtahanda tərcümə xidmətindən istifadə edə biləcəklər.
