BAYRAQDAR MEDİA – Dekabrın 3-də Gürcüstan Konstitusiya Məhkəməsi ölkənin Prezidenti Salome Zurabişvili və 30 müxalif deputatın iddiasını rədd edib. İddia 2024-cü il oktyabrın 26-da keçirilmiş parlament seçkilərinin nəticələrinin ləğv edilməsi ilə bağlı idi.
Gürcüstan mediası xəbər verir ki, Məhkəmənin 9 hakimindən ikisi qərarla bağlı öz fərqli mövqeyini ifadə edib.
O da bildirilir ki, ölkə qanunlarına görə belə bir qərar sondur və hər hansı formada mübahisələndirilə bilməz.
Qeyd edək ki, Salome Zurabişvili sözügedən seçkilərdə gizliliyin pozulması iddiasını əsas tutaraq noyabrın 19-da Məhkəməyə müraciət etmişdi.
