BAYRAQDAR MEDİA – Ermənistan Milli Məclisində 2025-ci il üçün dövlət büdcəsinin təqdimatı zamanı çıxış edən Baş nazir Nikol Paşinyan yenə də maraqlı fikirlər səsləndirib.
Bu haqda xəbəri Ermənistan mediası yayıb.
Bildirilir ki, Baş nazir çıxışında ermənilərin dünyada “məzlum millət” kimi tanındığına toxunub. O, deyib ki, biz artıq bu yanaşmadan uzaqlaşmalıyıq.
Nikol Paşinyan qeyd edib ki, başçılıq etdiyi hökumətin əsas missiyası “məzlum millət” statusundan əl çəkməkdir. Baş nazir həm də deyib ki, “məzlum millət” statusundan imtina “ordu millət” statusu ilə əvəz edilməlidirmiş. Amma bu da doğrudurmu? Onun fikrincə, deyil.
Baş nazirin fikrincə, ermənilər alışılmış iddialardan əl çəkib konkret bir ərazidə özünü təsdiq etmiş Ermənistan dövləti üzərində diqqəti cəlb etməlidir. O, əlavə edib ki, bu dövlət də öz xarici siyasətində beynəlxalq hüquqla çərçivələnməlidir.
Yeri gəlmişkən, Nikol Paşinyan “məzlum millət”dən “ordu millət”ə çevrilmə tərəfdarlarına da fikrini çatdırıb. O, deyib ki, biz nə qədər və hansı ölkəninkindən daha güclü ordu istəyirik?
Nikol Paşinyan ölkə adı çəkməyəcəyini, amma bu suala da cavab tapılmalı olduğunu deyib.
