Bir tərəf üçün qiyməti 5 min 250 lirə olan səyahət qatarına dekabr ayı üçün bütün biletlər satılıb
BAYRAQDAR MEDİA – “Doğu Ekspresi” biletinin qiyməti bir tərəfə 5 min 250 lirədir, amma artıq bilətlərin hamısı satılıb.
Bu barədə karsmanset.com saytı məlumat yayıb.
Məlumatda deyilir: “İlk reysi 23 dekabr 2024-cü ildə başlayacaq Turistik “Doğu Ekspresi”nin biletləri 5 min 250 lirəyə satılaraq qısa müddətdə tükənib. Qarsdakı otellərdə böyük rezervasiya var”.
Məlumata görə, ilk səfərinə Ankaradan başlayacaq “Doğu Ekspresi” nağıl kimi səyahətdən sonra Qarsda son dayanacağına çatacaq: “Son illərin sevimlisinə çevrilən Turistik “Doğu Ekspresi”nə bu il tələbat partlaması yaşanarkən, satışa çıxarılan biletlərin qısa zamanda tükəndiyi, hətta yanvar ayına yer qalmadığı iddia edildi. Kar’s Hotel-in müdiri və turizm üzrə mütəxəssis Mehmet Duman Turistik “Doğu Ekspresi”nə böyük marağın olduğunu ifadə edib”.
Qeyd edilib ki, qatar bazar ertəsi, çərşənbə və cümə günləri Ankaradan, çərşənbə, cümə və bazar günləri isə Qarsdan yola düşür: “Bu reyslər üçün biletlərin orta qiyməti adambaşına 5 min lirə olsa da, turoperatorların da Qarsın görməli yerləri, səyahət, yaşayış və uçuş biletlərini əhatə edən qiymətləri var. “Bunların qiyməti orta hesabla 20 min ilə 30 min lirə arasında dəyişə bilər”.
