BAYRAQDAR MEDİA – Türkiyənin biomüxtəliflik zənginliyi ilə bağlı araşdırmalar yeni kəşflərlə davam edir.
Bu barədə denizli24haber.com saytı məlumat yayıb.
Bildirilib ki, “Dos.Dr. Oğuzhan Kaygusuz 5 il ərzində Denizli də daxil olmaqla 6 fərqli şəhərdə apardığı araşdırmalar nəticəsində “Entoloma” cinsinə aid 4 yeni göbələk növü müəyyən edib. Isparta Tətbiqi Elmlər Universiteti Atabəy Peşə Məktəbində Bitki və Heyvandarlıq şöbəsinin müdiri vəzifəsində çalışan Dos.Dr. O.Kayqusuz araşdırmasında Denizli, Adıyaman, Muğla, Burdur və Şanlıurfadan topladığı göbələk nümunələrini ətraflı şəkildə araşdırıb. O, Atabəy Peşə Məktəbində laboratoriyada DNT ştrix-kod analizləri aparıb və nəticələri beynəlxalq ekspertlərlə bölüşüb”.
Araşdırmanın nəticələri Alman Mikoloji Cəmiyyətinin rəsmi nəşri olan “Mycological Progress” jurnalında dərc olunub.
