BAYRAQDAR MEDİA – Kuzey Kıbrıs və Türkiyə sağlamlıq turizmində güclərini birləşdirir. 2025-ci il hədəfləri üçün birgə layihələr, tanıtım kampaniyaları və beynəlxalq əməkdaşlıq səyləri başlanacaq.
Bu barədə Kıbrıs Postası məlumat yayıb.
Bildirilib ki, “Kıbrıs Sağlamlıq Turizm Şurasının sədri, millət vəkili Dr. Ahmet Savaşan və Türkiyə Sağlamlıq Turizmini İnkişaf etdirmə Şurasının sədri Dr. Köksal Holoğlu İstanbulda bir araya gələrək sağlamlıq turizmi sahəsində yeni əməkdaşlıq imkanlarını dəyərləndirib. İclasda iki ölkə arasında sağlamlıq turizminin daha da inkişaf etdirilməsi məqsədilə 2025-ci il üçün strateji yol xəritəsi müəyyən edilib”.
Şuradan verilən məlumata görə, görüşdə sağlamlıq turizminin inkişaf potensialı, regional əməkdaşlıq imkanları və qlobal rəqabətdə daha da güclənmək üçün görülməli işlər müzakirə olunub: “Dr. A.Savaşan Kuzey Kıbrısın sağlamlıq turizmində artan cəlbediciliyinə diqqət çəkərək Türkiyə ilə həyata keçiriləcək ortaq layihələrin hər iki ölkənin iqtisadiyyatına və səhiyyə sektoruna əhəmiyyətli töhfələr verəcəyini vurğulayıb. Dr. Köksal Holoğlu Türkiyənin səhiyyə infrastrukturundaki inkişafı və beynəlxalq xəstələri qəbul etməkdə əldə etdiyi uğurlara toxunaraq, Kuzey Kıbrısla əldə ediləcək sinerjinin beynəlxalq arenada daha güclü mövqe tutmasına imkan yaradacağını bildirib”.
Məlumatda deyilir ki, tərəflər 2025-ci il hədəflərinə çatmaq üçün həm yerli, həm də beynəlxalq səviyyədə yeni layihələrə start veriləcəyini bildiriblər. Bundan əlavə, birgə tanıtım kampaniyaları, təlim proqramları və sağlamlıq turizmi yarmarkalarında əməkdaşlıq etmək qərara alınıb.
