Son yeniləmə: 3 Dekabr 2024
BAYRAQDAR MEDİA – Türkiyənin Eskişehir şəhərində Azərbaycan aşıq sənətinin tanınmış təmsilçilərindən və ustad aşıqlarından biri olan Mikayıl Azaflının anadan olmasının 100-cü ildönümü qeyd edilib.
Bu barədə BAYRAQDAR MEDİA-ya Eskişehir Azərbaycanlılar Dərnəyindən məlumat verilib.
Məlumata əsasən tədbir TÜRKSOY, Azaflı Sosyal Yardım ve Kültür Derneği, Eskişehir Azərbaycanlılar Derneyi və Türkiyə-Azərbaycan Dərnəkləri Federasiyasının əməkdaşlığı ilə hazırlanıb: “Xatirə proqramı Vətən uğrunda şəhid olanların xatirəsinin bir dəqiqəlik sükutla yad edilməsi, daha sonra isə Azərbaycanın və Türkiyənin dövlət himnlərinin səslənməsi ilə başlayıb”.
Daha sonra açılış çıxışı edən Azaflı Sosyal Yardım ve Kültür Derneği başkanı sayın Arzuman Azaflı Aşıq Mikayıl Azaflının yaradıcılığına nəzər salıb.
Mərasimdə çıxış edən TÜRKSOY-un Azərbaycan təmsilçisi Elçin Qafarlı Mikayıl Azaflının Azərbaycan aşıq sənətinin inkişafındakı rolundan bəhs edib. O, həmçinin Mikayıl Azaflı yaradıcılığının daha dərindən mənimsənilməsi üçün həyata keçirilən işlərdən də danışıb.
Məlumata əsasən, çıxışlardan sonra gənc aşıqların ifasında Mikayıl Azaflının əsərləri təqdim eidlib: “Sonra səhnəyə çıxan aşıq Səlahattin Dündar ve aşıq Mustafa Aydın iştitakçılara gözəl anlar yaşadıblar. Onların ifasında Mikayıl Azaflının “Qoca qartal”, “Ağarmayın ay saçlarım amandır”, “Deyəmmərəm” kimi bir-brindən qiymətli əsərləri səsləndirilib. Programın son iştirakçısı olaraq səhnəyə çıxan Kahramanmaraş Sütçü İmam Üniversitesi müəllimi, Dos.Dr. Seher Atmaca, Azərbaycan sazı və Nahçıvan havasıyla “Ağarmayın ay saçlarım amandır” və “Yanıq Kərəm” havasını ifa edib”.
Tədbirdə yekun çıxışı edən Eskişehir Azərbaycanlılalar Dərnəyinin sədri Cavid Aydın Aşıq Mikayıl Azaflının Azərbaycan aşıq sənətinin görkəmli nümayəndələrindən biri olduğunu deyib.
Cavid Aydının çıxışından sonra iştirakçılara təşəkkür bəlgəsi təqdim edilib.
