Şəmil Sadiqdən qəzet və jurnal redaksiyalarına maraqlı təklif

Son yeniləmə: 28 Noyabr 2024 12:04

BAYRAQDAR MEDİA – 19-22 dekabr tarixlərində “Azərbaycan Nəşriyyatları Assosiasiyası İctimai Birliyi” (ANAİB) Bakı kitab sərgisi keçiriləcək.

Bu arada isə ANAİB sədri Şamil Sadiq maraqlı təkliflə çıxış edib.

Facebook sosial şəbəkə hesabındakı paylaşımında o, “19-22 dekabr tarixlərində ANAİB Bakı kitab sərgisi keçiriləcək. Bu dəfə düşünürəm ki, girişdə ölkəmizdəki qəzet və jurnallara bir metrlik yer hədiyyə edək, öz qəzet və ya jurnallarını sata və ya iştirakçılara hədiyyə edə bilərlər. Amma yerin icarə haqqını ANAİB qarşılayacaq. Mənim üçün maraqlıdır, qəzet və jurnallarımız buna nə qədər maraqlı olarlar? Mətbuatdakı dostların münasibətini bilsə idim, şad olardım” deyə qeyd edib.

Onu da bildirək ki, artıq bu təklifə ilkin müsbət reaksiyalar da var.