Son yeniləmə: 28 Noyabr 2024 07:32
BAYRAQDAR MEDİA – Xəbər verdiyimiz kimi Denizli Böyükşəhər Bələdiyyəsi əhalinin ucuz və sağlam qida ehtiyacını ödəmək üçün başlatdığı “Şəhər Restoranı” layihəsinə bir yenisini əlavə edib.
Artıq noyabrın 27-də Denizlinin 15 May rayonunda açılan 3-cü “Şəhər restoranı” vətəndaşlar tərəfindən böyük maraqla qarşılanıb.
Bu barədə denizli24haber.com saytı məlumat verib.
Məlumata görə, bələdiyyə sədri Bülent Nuri Çavuşoğlu açılışda çıxış edib: “Bu günə qədər təxminən 30 min insan bu restoranlarımızdan faydalanıb. İndi sizə şad xəbər verirəm ki, artıq 4-cü “Şəhər Restoranı”mızı da açacağıq”.
Bələdiyyə sədri Bülent Nuri Çavuşoğlu Denizlidə ibtidai sinif şagirdlərinə pulsuz qida dəstəyi verəcəklərini açıqlayıb. Bu tətbiqin pilot bölgədə başlayacağını bildirən B.N.Çavuşoğlu deyib: “Biz anaların uşaqlarının qidalanması ilə bağlı narahatlıqlarını azaltmağı hədəflədik. “Gələn həftə biz ibtidai sinif şagirdlərimizə pulsuz qida dəstəyi verməyə başlayacağıq”.
Məlumata əsasən, bələdiyyə sədri önlük taxaraq günün menyusunu öz əli ilə vətəndaşlara təqdim edib. Mərci şorbası, İzmir küftəsi, düyü və ayran kimi dadlardan ibarət menyu vətəndaşlar tərəfindən məmuniyyətlə qarşılanıb.
İlk şərhi yaza bilərsiniz