Denizli sakinləri üçün müjdə

Son yeniləmə: 27 Noyabr 2024 11:05

BAYRAQDDAR MEDİA – Denizli sakinlərin üçün bu gün sevncli bir gün kimi yadda qalacaq. Çünki Denizlidə sayca üçüncü Kent lokantası (Şəhər restoranı) açılır.

Xəbəri denizli24haber.com saytı yayıb.

Bildirilib ki, “Denizli Böyükşəhər Bələdiyyəsi sosial bələdiyyəçilik anlayışı ilə həyata keçirdiyi “Şəhər restoranı” layihələrinə bir yenisini əlavə edir. Daha əvvəl avtovağzalda və Kınıklıda açılan “Şəhər restoranı” filiallarının ardından üçüncü filial 15 May Mahallesi Kayalık Prospektində xidmətə başlayır. Açılış noyabrın 27-də yerli vaxtla saat 12.30-da keçiriləcək”.

Məlumata görə, Denizli Böyükşəhər Bələdiyyəsinin sədri Bülent Nuri Çavuşoğlu, şəhər restoranlarının məqsədinin vətəndaşlara sərfəli, sağlam və gigiyenik yemək imkanları təqdim etmək olduğunu bildirib: “Denizlidə üçüncü “Şəhər restoranı”mızı açaraq daha geniş kütləyə xidmət etməyə hazırlaşırıq. Xalqımızı açılışımıza dəvət edirik”.