Son yeniləmə: 26 Noyabr 2024 13:34
BAYRAQDAR MEDİA – KKTC Cümhurbaşqanı Ersin Tatar Türkiyənin Varşavadakı səfiri Rauf Alp Denktaşın verdiyi ziyafətdə iştirak edib.
Bu barədə KKTC Cümhurbaşqanlığından məlumat verilib.
Məlumata görə, Türkiyə Cümhuriyyətinin Varşavadakı səfirliyində təşkil olunan ziyafətə çoxlu sayda türk və Kıbrıslı türk iş adamları qatılıb.
E.Tatar qəbuldakı çıxışında Varşavada iş adamlarına salamlarını çatdıraraq deyib: “Sizə KKTC-nin xalqının hərarətli salamlarını çatdırıram. Bu gün Varşavada Polşanın turizm rəsmiləri ilə görüşüm oldu. Türkiyə Cümhuriyyətinin Varşavadakı səfiri cənab Rauf Alp Denktaşa da qonaqpərvərliyinə görə təşəkkürümü bildirirəm. O, mərhum Qurucu Cümhurbaşqanımız Rauf Denktaşın nəvəsidir. Biz Qurucu Cümhurbaşqanımızı hörmətlə yad edirik”.
Səfir R.A.Denktaş Ersin Tatara dəvəti qəbul etdiyi üçün təşəkkür edib: “Dünən böyük liderliyinə heyran olduğum Cümhurbaşqanı Ersin Tatar mənə babam, qurucu Cümhurbaşqanımız Rauf Denktaşla çəkdirdiyi köhnə fotoşəkili hədiyyə etdi. Şəkil 30 il əvvəl imzalanıb və mənim üçün çox qiymətli, emosional bir xatirədir. Mən dərhal şəkli divara asdım və nümayiş etdirdim”.
İlk şərhi yaza bilərsiniz