Parlament beşinci dəfə Xalq Məclisinin sədrini seçə bilməyib

Yazar: Nihat Göytürk. Tarix: 23 Noyabr 2024 14:46

Bolqarıstan parlamenti

Son yeniləmə: 23 Noyabr 2024 12:08

BAYRAQDAR MEDİA – Bolqarıstanda deputatların ardıcıl 5-ci dəfə parlamentin sədrini seçmək cəhdi heç bir nəticə verməyib.

Bu barədə Radio Bolqarıstan məlumat yayıb.

Bildirilib ki, “Xalq Məclisinin sədrinin səsverməsində “BSP-Obedinena Levitsa” partiyasından Nataliya Kiselova, “Vazrajdane” partiyasından Petar Petrov, GERB partiyasından Raya Nazarian və ITN-dən Silvi Kirilov namizəd olub. Səsvermə zamanı “İma Takav Narod” partiyasından Silvi Kirilov və GERB-SDS-dən Raya Nazarian yenidən ikinci mərhələyə adlayıb”.

Məlumata görə, ikinci tur səsvermədən sonra S.Kirilov deputatlardan 101 “hə” və 99 “xeyr”, R.Nazaryan isə 68 “hə” və 150 “xeyr” səsi toplayıb: “Parlamentin noyabrın 11-də başlayan ilk iclası çərşənbə günü, noyabrın 27-də davam edəcək və Xalq Məclisinin sədrinin seçilməsinə altıncı cəhd ediləcək”.

Əlaqəli

Bölmə: REPORTAJ və SİYASƏT

Nihat Göytürk

1991-ci ildən jurnalistika ilə məşğul olur. Bir sıra qeyri-hökumət təşkilatlarının fəaliyyətində yaxından iştirak edib. 1993-cü ildən etibarən beynəlxalq təşkilatların ölkəmizdə keçirdiyi siyasi partiyalar, QHT sektoru, insan hüquqları, həmçinin jurnalistika ilə bağlı seminar, dəyirmi masa və treninqlərin iştirakçısı olub. Azərbaycanın daxili və xarici siyasəti, beynəlxalq münasibətlər, o cümlədən Türkiyə və Kuzey Kıbrıs Türk Cümhuriyyəti ilə bağlı çoxsaylı yazıların müəllifidir. Azərbaycan və türk dilində yazır və danışır. nihat@bayraqdar.info

Yazarın başqa yazıları: Nihat Göytürk

Bölmənin başqa yazıları: REPORTAJREPORTAJ bölməsinin başqa yazıları »