Şirkətin rəhbər heyəti İtalyanın Gricar zavodunda görüş keçirib
BAYRAQDAR MEDİA – Artıq 14 ildir ki fəaliyyət göstərən Unity Company şirkəti hər ötən gün əlaqələrini daha da genişləndir.
Bu barədə BAYRAQDAR MEDİA-ya şirkətdən məlumat verilib.
Bildirilib ki, şirkətin rəhbər heyəti İtalyanın Gricar zavodunda görüş keçirib.
Məlumata görə görüşdə məqsəd gələcək planların müzakirəsi, mövcud iş prinsiplərinin müzakirəsi və istehsal prosesi ilə canlı formada heyətin tanışlığı olub: “Görüşdə qarşıda duran vəzifələr müzakirə olunub və hər iki şirkət arasında olan iş birliyi haqqında ətraflı fikir mübadiləsi aparılıb”.
Məlumatda o da qeyd edilib ki səfər zamanı İtalyanın Gricar zavodu istehsal mexanizmini izləmək üçün Unity Company şirkətinin əməkdaşlarına tam şərait yaradılıb: “Startdan finişə qədər olan bütün mexanizmləri izləyən heyət qarşı tərəfə öz minnətdarlığını bildirib”.
Xatırladaq ki, Unity Company şirkəti 2011-ci ildə cüzi bir sərmayə ilə, cəmi 1300 manatla təsis edilib. “Unity Company”inin hazırda dünyanın bir çox ölkəsi ilə əməkdaşlıq müqaviləsi var.
