Press "Enter" to skip to content

Cavid Aydın Bursada məhsuldar görüşlər keçirib

Yazar: Nadir Azəri - Əməkdar jurnalist. Tarix: 18 Noyabr 2024 15:28

Görüşlərdən xatirə fotosu

Görüşlərdən xatirə fotosu

Son yeniləmə: 18 Noyabr 2024 08:04

BAYRAQDAR MEDİA – Eskişehir Azərbaycanlıları Dərnəyinin rəhbəri, Türkiyə Azərbaycanlılar Dərnəkləri Federasiyasının sədr müavini Cavid Aydın Bursaya səfər edib.

Bu barədə BAYRAQDAR MEDİA-ya EsAzDer-dən məlumat verilib.

Bildirilib ki, “Cavid Aydın səfər zamanı bir sıra məhsuldar görüşlər keçirib. İlk öncə Bursa Azərbaycan İnnovasiya və Həmrəylik Dərnəyinin (BAIDD) ofisində sədr Lətifə Nağdəliyeva ilə görüş olub. Görüş zamanı Bursa Azərbaycan İnnovasiya və Həmrəylik Dərnəyinin Türkiyə-Azərbaycan qardaşlığı və əməkdaşlığı istiqamətində həyata keçirdiyi fəaliyyətlər müzakirə edilib. Daha sonra BAIDD rəhbəri və İdarə Heyətinin üzvləri ilə birlikdə Bursa Valiliyi ziyarət olunub”.

Məlumat üçün bildirək ki, bundan öncə Eskieşhirdə vali yardımçısı olan Salih Altun hazırda Bursada vali yardımçısıdır. Heyət Salih Altunu ziyarət edərək, ona uğurlar arzulayıb.

Səfər zamanı növbəti ziyarət isə Bursa Yıldırım Bələdiyyəsinə olub. Orada bələdiyyə sədrinin müavini Hüseyn Buran ofisində ziyarət edilib.

Əlaqəli

Bölmə: TÜRK DÜNYASI

Nadir Azəri - Əməkdar jurnalist

BAYRAQDAR MEDİA-nın baş redaktorunun müavini, Azərbaycan Respublikasının Əməkdar jurnalisti (2013) Nadir AZƏRİ (İsmayilov Nadir Nəbi oğlu) 26 fevral 1973-cü ildə Yevlax rayonu, 2-ci Salamabad kəndində anadan olub. Bakı Sosial İdarəetmə və Politologiya İnstitutunun məzunudur. 1992-ci ildən etibarən dövri mətbuatda ilk yazıları Yevlaxın o zamankı “Təşəbbüs” (indiki “Kür”) qəzetində dərc edilib. 1995-ci ildə Gənclər və İdman Nazirliyinin mətbu orqanı olan “P.S. Gənclik” qəzetinin zona müxbiri kimi fəaliyyət göstərib. 1995-1997-ci illərdə “İki sahil”, “Panorama” və digər qəzetlərdə yazıları dərc olunub. 1997-1998-ci illərdə “Bu gün” qəzetində müxbir, baş redaktorun birinci müavini vəzifələrində çalışıb. Daha sonra “Yeni Müsavat”, “Üç nöqtə”, “Press Fakt”, “Mərkəz” və “Xəzər” qəzetlərində müxtəlif vəzifələrdə çalışıb. 2009-ci ildən 2021-ci il oktyabrın 11-dək “Yeni Azərbaycan” qəzetində şöbə redaktoru vəzifəsində çalışıb. Hazırda həm də Orta Asiya və Güney Qafqaz Söz Azadlığı Şəbəkəsi (CASCFEN) İB-in sədridir. nadir@bayraqdar.info

Yazarın başqa yazıları: Nadir Azəri - Əməkdar jurnalist

Bölmənin başqa yazıları: TÜRK DÜNYASITÜRK DÜNYASI bölməsinin başqa yazıları »

İlk şərhi yaza bilərsiniz

Lütfən, buyurub bir şərh yaza bilərsiniz Cavabı ləğv et