Son yeniləmə: 7 Noyabr 2024 08:07
BAYRAQDAR MEDİA – Pamukkale Universiteti Diş Həkimliyi Fakültəsinin tələbələri Babadağ mahalını ziyarət edərək bölgənin təbii və mədəni dəyərlərini yaxından tanımaq fürsəti əldə ediblər.
Bu barədə denizli24haber.com saytı məlumat yayıb.
Məlumata görə, tələbələt Babadağa səyahət zamanı rayonun məşhur rəngarəng evlərini, tarixi küçələrini addım-addım gəzərək mədəni irslə tanış olublar: “Bu xoş gəzinti zamanı Babadağın bənzərsiz memarlığını və ab-havasını yaşamaq şansı qazanan gənclər maraqlı kadrlar çəkib, unudulmaz xatirələr yığıblar. Səfərdə iştirak edən tələbələr Babadağın təbii gözəlliklərini daha yaxından görmək üçün təşkil edilən təbiət gəzintisi zamanı təmiz havanın dadını çıxarıblar”.
Babadağ Bələdiyyəsinin başçısı Murat Kumral gənclərin rayonda keçirdiyi xoş anlardan məmnunluğunu ifadə edərək deyib: “Gənclərimizin rayonumuzun gözəllikləri ilə tanış olması bizi çox sevindirdi və burada xoş anlar yaşandı. Babadağın təbii və mədəni dəyərlərinin tanıdılması rayonumuzun inkişafı üçün böyük əhəmiyyət kəsb edir”.
İlk şərhi yaza bilərsiniz