Onlar yeni parlamentdə olacaq

Son yeniləmə: 1 Noyabr 2024 11:11

Kırcalıdan Xalq Məclisinə daxil olacaq 5 millət vəkilinin adı açıqlanıb

BAYRAQDAR MEDİA – Bolqarıstan Mərkəzi Seçki Komissiyasının 51-ci Xalq Məclisində yerlərin yekun bölgüsündən sonra yeni parlamentdə “DPS-Novo Naçalo” və “Alians za prava i svobodi” birləşmələrinin hər birinin Kırcalıdan iki millət vəkili olacağı anlaşılıb.

Mandatların paylanmasına görə, Kırcalıdan Xalq Məclisinə girəcək beşinci millət vəkili MEÇ siyasi birləşməsində olacaq.

Bu barədə Radio Bolqarıstan məlumat yayıb.

Məlumata görə, “DPS-Novo Naçalo” siyahısında ilk üç yerdə dayanan Erol Mümün, Necmi Ali və Aycan Əhməd Kırcalı, Cebel və Çernoochen bələdiyyə başçıları vəzifələrinə davam edəcəklər: “Hazırkı millət vəkilləri Bayram Bayram və Elvan Gürkaş isə parlamentdə olacaqlar”.

Məlumatda deyilir ki, “Alians za prava i svobodi” (APS) lideri Ahmet Doğan millət vəkili olmayacağını açıqlayıb: “Onun yerinə siyahıda üçüncü adı olan Pavlin Kristevin keçəcəyi anlaşılıb. APS siyahısında ikinci ad olan Remzi Osman da 51-ci Xalq Məclisinə girəcək.

Kırcalı rayonundan yeni Xalq Məclisinə daxil olacaq 5-ci millət vəkili MEÇ siyahısının lideri Rosen Krasimirov İvanov olacaq”.