Qanvermə aksiyası keçirilir

Son yeniləmə: 31 Oktyabr 2024 09:34

BAYRAQDAR MEDİA – Heydər Əliyev Fondunun təşəbbüsü ilə reallaşdırılan “Talassemiyasız həyat naminə” proqramı çərçivəsində İqtisadiyyat Nazirliyinin əməkdaşlarının iştirakı ilə növbəti qanvermə aksiyası keçirilir. Tədarük olunan qan hemofiliyalı və talassemiyalı, həmçinin qana ehtiyacı olan digər xəstələrin müalicəsində istifadə olunacaq.

Bu barədə BAYRAQDAR MEDİA-ya Nazirlikdən məlumat verilib.

Bildirilib ki, “qanvermə aksiyasında 900-dək əməkdaşın iştirakı nəzərdə tutulur. Qeyd edək ki, artıq ənənəyə çevrilmiş bu humanist aksiyada İqtisadiyyat Nazirliyinin əməkdaşları hər il iştirak edirlər. Belə xeyriyyə tədbirlərinin gələcəkdə də davam etdirilməsi nəzərdə tutulur”.