BAYRAQDAR MEDİA – Xaçmazda Quba-Xaçmaz Regional Mədəniyyət İdarəsi – Xaçmaz Tarix Diyarşünaslıq Muzeyi və Azərbaycan Milli Elmlər Akademiyası (AMEA) Mərkəzi Elmi Kitabxanasının (MEK) birgə təşkilatçılığı ilə dahi Azərbaycan şairi Məhəmməd Füzulinin 530 illiyi çərçivəsində “Şərqin Füzuli dühası” adlı tədbir keçirilib.
Bu haqda xəbər BAYRAQDAR MEDİA-ya MEK-dən daxil olub.
Xəbərdə bildirilir ki, “rayon ictimaiyyətinin nümayəndələri, təhsil və mədəniyyət işçiləri, tələbələr və gənclərin iştirakı ilə keçirilən tədbirdə kitabxananı MEK-in Kitabxana xidməti üzrə direktor müavini, Dos. Şəhla Tahirqızı və Oxuculara xidmət şöbəsinin rəhbəri Ofeliya Yunusova təmsil edərək Füzuli irsinə dair 80-ə yaxın ədəbiyyatla qatılıblar. Sərgilənən kitablar böyük maraqla qarşılanıb”.
Tədbir zamanı MEK-in hər zaman böyük ədəbiyyat nümayəndələrinin irsinin toplanıb qorunması, istifadəçilərə çatdırılması istiqamətində çoxşaxəli işlər gördüyünü vurğulayan Ş.Tahirqızı tədbirin təşkilində əməyi keçən hər kəsə, xüsusilə Xaçmaz Tarix Diyarşünaslıq Muzeyinin direktoru Pakizə Mehdiyevaya MEK-in direktorunun salamını və təşəkkürünü çatdırıb.
İlk şərhi yaza bilərsiniz