BAYRAQDAR MEDİA – Türkiyənin aparıcı ali təhsil müəssisələrindən biri olan Ankara Hacı Bayram Veli Universitetinin professorları Evren Güçer və Metehan Tolon 2024/2025-ci tədris ilində Qarabağ Universitetində fəaliyyət göstərəcək.
Bu haqda xəbər BAYRAQDAR MEDİA-ya Elm və Təhsil Nazirliyinin (ETN) mətbuat xidmətindən daxil olub.
Xəbərdə deyilir ki, “Qarabağ Universitetinin rektoru Şahin Bayramov hər iki professorla görüşərək onları təbrik edib. Rektor professorlarla tədris, tədqiqat və idarəetmə sahəsində fəal iştirakları ilə bağlı fikir mübadiləsi apararaq, ali təhsil müəssisəsinin strateji hədəflərini diqqətə çatdırıb”.
