Son yeniləmə: 16 Oktyabr 2024 10:04
BAYRAQDAR MEDİA – MÜSİAD Azərbaycan dərnək mərkəzində İbn Haldun Üniversitesi Mütevelli Heyəti Başkanı, Prof.Dr. İrfan Gündüzün “Müstəqillikdən bu günə Azərbaycan xatirələrim” adlı söhbət proqramı təqdim olunub.
BAYRAQDAR MEDİA-ya verilən məlumata görə, görüşdə MÜSİAD Azərbaycan İdarə Heyətinin sədri Rəşad Cabirli, İdarə Heyəti üzvləri və Gənc MÜSİAD Azərbaycan nümayəndələri iştirak edib: “Proqramda keçmiş məşhur futbolçu Mesut Özilin iştirakı gəncləri ayrıca məmnun edib. Görüş zamanı Prof.Dr İrfan Gündüz I Qarabağ Müharibəsi zamanı yaşananlarla bağlı xatirələrini bölüşüb. O, 1992-ci ildə Türkiyədən dəstək məqsədilə Azərbaycana gəlməsindən, qurucu üzvü olduğu Müstəqil Sənayeçi və İşadamları Dərnəyi – MÜSİADın fəlsəfəsindən söhbət açıb. Sonda MÜSİAD AZƏRBAYCAN adından İrfan bəyə və Mesut Özilə verdikləri dəyərə, ziyarətlərinə görə təşəkkür edilib”. Qurumun məlumatında, həmçinin “Gəncliyə Yardım Fondunun İdarə Heyətinin sədri Ahmet Tecimə ziyarətinə və dəstəyinə görə xüsusi təşəkkürümüzü bildiririk” deyə qeyd edilib.
Görüşün sonunda xatirə fotosu çəkilib, hədiyyələr və “Azerbaycana gelmek için #101neden” kitabçası təqdim edilib.
