BAYRAQDAR MEDİA – Cəfər Cabbarlı Mükafatı Komissiyasının növbəti iclası keçirilib.
Bu haqda xəbər BAYRAQDAR MEDİA-ya Azərbaycan Dövlət Milli Gənc Tamaşaçılar Teatrının (ADMGTT) mətbuat xidmətindən daxil olub.
Xəbərdə bildirilir ki, “bu il keçirilən iclasda digər tanınmış şəxslərlə yanaşı, sözügedən Teatrın aktyorları – Əməkdar artist Şövqi Hüseynov və aktrisa Simuzər Ağakişiyeva bu mükafata layiq görülüb”.
Qeyd edək ki, C.Cabbarlı adına mükafat 1935-ci ildə təsis olunub. Komissiyanın sədri C.Cabbarlının nəvəsi Qəmər Seyfəddinqızıdır.
Bildirək ki, mükafatların təqdimat mərasimi oktyabrın 17-də keçiriləcək.
