BAYRAQDAR MEDİA – Oktyabrın 15-i saat 16:00-da Azərbaycan Milli İncəsənət Muzeyində (AMİM) “İpək yolu incəsənəti” adlı elmi mühazirə keçiriləcək.
Bu haqda xəbər BAYRAQDAR MEDİA-ya sözügedən Muzeyin mətbuat xidmətindən daxil olub.
Xəbərdə qeyd edilir ki, ABŞ-ın Uilyam Paterson Universitetinin professoru, sənətşünaslıq üzrə fəlsəfə doktoru, Fulbright təqaüdçüsü He Çjan tərəfindən təqdim olunacaq mühazirə əsas diqqəti qədim İpək Yolunun Mərkəzi Asiya hissəsinə yönəltməklə eradan əvvəl II əsrdən monqol dövrünə qədərki bəzi sənət ənənələrinin qısa icmalını əhatə edəcək. Bəhs edilən dövrdə Şərq və Qərbin inteqrasiyası kontekstində sənət üslublarının mübadiləsi vurğulanacaq”.
Qeyd edək ki, ingilis dilində keçiriləcək mühazirədə vizual material Azərbaycan dilində də təqdim olunacaq.
