Son yeniləmə: 7 Oktyabr 2024 11:28
BAYRAQDAR MEDİA – İraq Türkmən Cəbhəsinin sədri Hasan Turan Kərkük əməliyyatları komandanı general-mayor Salih Herz ilə görüşüb.
Bu barədə Türkmeneli TV məlumat yayıb.
Bildirilib ki, “görüş zamanı vilayətin təhlükəsizlik vəziyyəti və üzləşdiyi problemlər müzakirə olunub. H.Turan sabitliyin təmin edilməsi və vətəndaşların müdafiəsi üçün təhlükəsizlik qüvvələrinin dəstəklənməsinin, səylərin və koordinasiyanın gücləndirilməsinin vacibliyini vurğulayıb. O, həmçinin sosial sülhün qorunmasının və təhlükəsizlik qüvvələri ilə vətəndaşlar arasında əməkdaşlığın gücləndirilməsinin vacibliyini vurğulayaraq, şəhərin təhlükəsizliyinin İraqın ümumi sabitliyinin əsasını təşkil etdiyini, vətəndaşların müdafiəsinin artırılmasına yönəlmiş təhlükəsizlik planlarının həyata keçirildiyini deyib”.
