MÜSİAD Azərbaycan İdarə Heyətinin sədri Rəşad Cabirli məhsuldar görüşlər keçirib
BAYRAQDAR MEDİA – MÜSİAD Azərbaycan İdarə Heyətinin sədri Rəşad Cabirli, Almaniya və Fransada işgüzar səfərdə olub.
Bu barədə BAYRAQDAR MEDİA-ya qurumdan məlumat verilib.
Bildirilib ki, “səfər zamanı MÜSİAD Azərbaycan İdarə heyətinin sədri Rəşad Cabirli və Azərbaycan Qida və İçki Sənayeçiləri Assosiasiyasının İdarə Heyətinin sədri Emin Dostiyari MÜSİAD Ştutqart və MÜSİAD Strasburq şöbələrini ziyarət edib. Görüş zamanı Azərbaycandakı investisiya imkanları, münbit ticari-iqtisadi mühit haqında məlumat verilib, “Azerbaycana gelmek için #101Neden” başlıqlı təqdimatımız paylaşılıb”.
Məlumata görə, görüş zamanı yaxın gələcəkdə MÜSİAD Stuttgart və MÜSİAD Strasbourg şöbələrinin Azərbaycana işgüzar səfər etməsi planlaşdırılıb: “Sonda MÜSİAD Azərbaycan İdarə Heyətinin sədri Rəşad Cabirli, qonaqpərvərliklərinə və dəstəklərinə görə MÜSİAD Stuttgar İdarə Heyətinin sədri Duran Tok bəyə, MÜSİAD Strasbourg İdarə Heyətinin sədri Yücel Akyüz bəyə və üzvlərə təşəkkürünü bildirib”.
