Son yeniləmə: 30 Sentyabr 2024 13:57
İstanbul Kültür Yolu Festivalı başlayıb
BAYRAQDAR MEDİA – İstanbul yenə də dünyanın diqqət mərkəzindədir. Bu dəfə də İstanbul Kültür Yolu Festivalı başlayıb.
Qardaş Türkiyənin mədəniyyət və turizm naziri Mehmet Nuri Ersoy bununla bağlı X sosial şəbəkə hesabından paylaşım edib.
Paylaşımda deyilir: “Ölkəmizdə turizmin mədəniyyət və incəsənətlə bütünləşməsinə baxışımızın nəticəsi olan Türkiyə Kültür Yolu Festivalımızda hər il 7 yaşdan 70 yaşa qədər milyonlarla sənətsevəri ağırlayırıq. Biz festivallarımızı yalnız əyləncə mühiti təmin edən tədbirlər kimi şəhərlərimizə gətirmirik. Bu görüşlərlə mədəniyyət və incəsənəti xalqımızın həyatının ayrılmaz hissəsinə çevirmək, xüsusilə də uşaqlarımızı çox erkən yaşda bu təcrübə ilə tanış etmək istəyirik”.
Nazir daha sonra “Ölkəmizdə şəhər-şəhər yaydığımız bu festivalları beynəlxalq təbliğatda mühüm bir güc kimi görürük. Bütün İstanbulluları doqquz gün davam edəcək mədəniyyət və incəsənət festivalımıza dəvət edirik” deyə qeyd edib.
