Son yeniləmə: 30 Sentyabr 2024 07:37
Türkiyə, günəşli payız səyahətləri üçün ən yaxşı yerdir
BAYRAQDAR MEDİA – “Akdenizin qoynunda səyahət edənlərə saysız-hesabsız macəralar təqdim edən Türkiyə, günəşli payız səyahətləri üçün ən yaxşı yerdir. Ölkənin güney sahillərində yay heç vaxt bitmir və bu geniş coğrafiyanın müəyyən hissələrində isti Akdenizi payızını hələ də yaşamaq mümkündür”.
Türkiye Turizm Tanıtım ve Geliştirme Ajansından (TGA) BAYRAQDAR MEDİA-ya verilən məlumatda belə deylir.
Bildirilir ki, “hər kəsin yolu payızda zəngin tarixə və canlı atmosferə malik İstanbula mütləq düşməlidir. Lakin bu dəfə, payız rənglərindəki təbii gözəllikləri, son qazıntılar zamanı aşkar olunan bir çox əsərin olduğu antik şəhərləri və Türkiyənin zəngin mətbəx ənənələrini yaşaya biləcəyiniz digər gözəl istiqamətləri kəşf edəcəksiniz. Payız mövsümündə Türkiyənin ən cəlbedici məkanları ilə yaxından tanış olaq”.
Qızılı payızda zəngin Egey mətbəxi
Məlumata əsasən, Egey sahilləri bol miqdarda təzə dəniz məhsulları, orqanik məhsullar, aromatik otlar və zeytun yağı ilə zövqlü qastronomik səyahətlər təqdim edir: “Payızda, Bozcaadadan Ayvalığa qədər bölgənin məşhur istirahət mərkəzləri, üzüm yığımı festivalları və zeytun yığımı mövsümü ilə canlanır, ziyarətçilərə bu əsrlik ənənələrə qoşulma imkanı verir. Ziyarətçilər, ləziz balıqdan zeytun yağına, tərəvəzlərdən məzələrə qədər sağlam yeməklərdən dada bilərlər. Bu ləziz təamlar bölgənin məşhur şərabları ilə birgə təqdim edilir”.
Qeyd edilir ki, bölgənin ən tanınmış mətbəxi, sözsüz ki, İzmirdəki Urla rayonudur: “Bu sakit və dinc şəhər, üzüm bağları və zeytun ağacları arasında gəzintilər etmək, daha sonra isə “bağımızdan masanıza” və Michelin ulduzlu restoranlarda unudulmaz ləzzətləri dadmaq üçün ideal bir yerdir”.
Akdeniz tətilləri…
Vurğulanır ki, payızda Türkiyənin güney sahilləri mülayim iqlimi, günəş işığı və mavi sahilləri ilə dəniz-günəş-qum tətilləri üçün ideal olaraq qalır: “233 Mavi Bayraqlı çimərliyi və demək olar ki, il boyu günəşli havası ilə Türk Rivierasının mərkəzi olan Antalya, dünyanın ən gözəl şəhərləri arasında yer alır. Akdeniz günəşinin və ilıq suların dadını çıxardıqdan sonra, şəhərin antik yaşayış yerlərini ziyarət etmək üçün birgünlük ekskursiyalar da edə bilərsiniz. Aspendosdan Sideyə qədər olan antik şəhərlər, burada dünyanın ən tarixi yerlərindən birində olduğunuzu hiss etdirəcək”.
Qeyd edilib ki, Antalyada həmçinin Belekdəki otellərdə golf oynaya, Kaşın gözəl sularında dalış edə və Karain, Damlataş kimi heyrətamiz mağaraları ziyarət edərək, başqa heç yerdə görmədiyiniz mənzərələrə şahid ola bilərsiniz: “Likya yolu və St. Paul yolu bu mövsümdə yaşanmalı olan unudulmaz təcrübələr təqdim edir”.
Kapadokya – isti hava balonu, pəri bacaları
Məlumata əsasən, payızın istisini yaşamaq üçün başqa bir gözəl yer Kapadokyadır: “Siz mütləq isti hava balonu turuna çıxmalı və bu füsunkar torpaqların gözəlliyini ayaqlarınızın altında görməlisiniz. Kapadokya, pəri bacaları və möhtəşəm mənzərələri ilə hər zaman “fərqli aləm” olaraq təsvir olunur. Tarix boyu bu bölgə, saysız mədəniyyətin beşiyi olmuşdur. UNESCO-nun Dünya İrs siyahısında yer alan Göreme Açıq Hava Muzeyi, gözəl freskaları olan daşdan oyulmuş kilsələri ilə mütləq ziyarət edilməli bir yerdir”.
Vurğulanır ki, qədim işğallardan qorunmaq məqsədilə inşa edilmiş Kaymaklı və Derinkuyu kimi yeraltı şəhərlər, sizi mürəkkəb tunelləri və otaqları kəşf etməyə dəvət edərək, keçmişin sirlərinə bir pəncərə açır.
Güney-doğuya əsrarəngiz səyahət
TGA-nın məlumatında, həmçinin “payız, Türkiyənin güney-doğu şəhərlərini kəşf etmək üçün sirlərlə dolu bir dövrüdür. Nəhəng heykəlləri və qədim məzarları ilə UNESCO-nun siyahısında yer alan Nemrut dağının uca zirvəsindən başlayaraq, unudulmaz gün doğumu və gün batımı mənzərələrinin incəliyini seyr edərək səyahətinizə başlaya bilərsiniz. Ardınca, dünya şöhrətli paxlava, kabab və püstə ləzzətləri ilə tanınan Qaziantepə səyahət edin. Bu şəhər, qastronomiya sahəsində özünə müstəsna bir yer qazanmışdır. Qaziantepdə qədim mozaikaların gözəlliyi ilə sizi heyrətləndirəcək Zeuqma Mozaika Muzeyini ziyarət etməyi də unutmayın. Burada tarix, sənət və mədəniyyət bir araya gələrək, sizi unudulmaz bir atmosferə qərq edir” deyə bildirilir.
Məlumatda deyilir: “Daha sonra, Göbeklitəpə və Karahantəpə kimi dünyanın ən qədim Neolit yaşayış məskənlərinin olduğu Şanlıurfanı ziyarət edin. Bu bölgədə “Daş Təpələr” layihəsi çərçivəsində aparılan tədqiqatlar, son dövrlərdə bir çox maraqlı kəşfləri üzə çıxarıb. Ardınca, Mardin sizi gözəl daş memarlığı ilə qarşılayacaq. Tarixi monastırlar, kilsələr və məscidlərlə dolu bu şəhərdə, zəngin mədəniyyət və adət-ənənələri araşdıraraq dar küçələrində dolaşın. Unikal Suriya şərabları və badam konfetləri kimi yerli ləzzətlər səyahətinizi daha da gözəlləşdirəcək. Sonda, qədim şəhər divarları və UNESCO-nun Ümumdünya İrs Siyahısına daxil edilmiş tarixi Hevsel Bağları ilə tanınan Diyarbakır şəhərinə doğru yola çıxın. Diyarbakıra çatmaq üçün isə Ankaradan şərq dağlarına doğru irəliləyən və Time jurnalının “2024-cü ilin ən gözəl yerləri” siyahısına daxil olan ekoloji cəhətdən dost Diyarbakır Ekspresi ilə yola çıxa bilərsiniz”.
